Ambasadori Kosnett: Beau Biden ka punuar për të siguruar Pavarësinë e Kosovës

Ambasadori i SHBA-së në Kosovë, Philip Kosnett tha se është i nderuar që do të pranojë medaljen e ndarë për Beau Biden.

“Me të vërtet është nderë i veçantë për mua që ta pranojë këtë medalje në emër të Presidentit Biden”, ka thënë Kosnett.

“Beau Biden përfaqësonte më të mirën që ka Amerika. Ai e dinte se për të ecur përpara Amerika, amerikanët duhet të angazhohet në të gjithë botën. Për këtë arsye mijëra amerikanë si  Beau Biden, disa me çizme të ushtrisë e disa me rroba pune, kanë shërbyer kaq shumë në Kosovë për dy dekada me radhë. Ata kanë punuar krahë për krahë me miqtë kosovarë për të siguruar lirinë e pavarësinë e Kosovës, për ta shtyrë Kosovën drejt qëndrueshmërisë ekonomike”.

Kosnett thotë se Beau ka punuar që Kosova të ndërtojë qeverisje demokratike të bazuar në vlera demokratike e respektim të ligjit.

“Amerikanët e respektojnë dhe e çmojnë udhën e Kosovës sepse jemi në të njëjtën rrugë për të krijuar shoqëri që ofron mundësi të barabarta e drejtësi të barabartë, respektim të drejtave të individëve, kemi krijuar një partneritet që do të zgjasë shumë”.

Tutje Kosnet tha se SHBA-ja dhe Kosova do ta vazhdojnë partneritetin në mes tyre dhe do ta forcojnë në vitet e ardhshme.

“Rruga më e mirë për të nderuar trashëgiminë e Beau Bidenit, është që të gjithë qytetarët e Kosovës nga të gjitha komunitetet, nga gjitha partitë politike, të vazhdojnë përpjekjet për të ndërtuar atë që themeluesit e Amerikës e quanin një “union të përsosur” dhe Amerikan do të jetë përkrah jush në çdo hap”, shtoi tutje Kosnett.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close