60 vjet nga ndërtimi i Murit të Berlinit

Javën që vjen mbushen plot 60 vjet që kur filloi ndërtimi i Murit të Berlinit. Kjo pengesë prej betoni që do të ndante Lindjen dhe Perëndimin për 28 vjet u bë simbol i errësirës dhe shtypjes diktatoriale dhe më pas i rrëzimit të sisitemit komunist.

Më 13 gusht 1961, trupat e Gjermanisë Lindore filluan të mbyllnin sektorin lindor të Berlinit me tela me gjemba dhe blloqe betoni. Por me kalimin e kohës pengesa u përforcua duke rrethuar gjithë Berlinin Perëndimor.

Një mur betoni u ndërtua në vitin 1965. Versioni përfundimtar i murit përfundoi në vitin 1975 dhe shtrihej për 150 kilometra rreth Berlinit Perëndimor. Vetë muri ishte gati 3.6 metra i lartë dhe kufiri gjithashtu ruhej nga qindra kulla vrojtimi, llogore kundër automjeteve, bunkerë, tela me gjemba, gardhe sinjalizuese dhe pengesa të tjera.

Shumë u përpoqën ta kalonin atë. Disa patën sukses, të tjerët u kapën ose u vranë.

Nata e 9 nëntorit e vitit 1989 është ngulitur në kujtimet e shumë gjermanëve. Me sa duket, pa paralajmërim, Muri i Berlinit, simboli i ndarjes midis Lindjes dhe Perëndimit, u hap.

Nën presionin e demonstratave mbarëkombëtare pro-demokracisë, regjimi i Gjermanisë Lindore po kërkonte mënyra për të kontrolluar revoltën.

Guenter Schabowski, zëdhënësi i Byrosë Politike në pushtet, njoftoi se: “Gjermania Lindore po hiqte kufizimet e udhëtimit përtej kufirit të saj me Gjermaninë Perëndimore pas gati tre dekadash izolimi”.

I pyetur nga një gazetar se kur do të hynte në fuqi rregullorja e re, Schabowski tha: “Menjëherë, pa vonesë”.

Atë natë, banorët e Berlinit Lindor u mblodhën tek pika e kalimit për në Berlinin Perëndimor.

Ishte një moment dramatik që ndihmoi në përfundimin e Luftës së Ftohtë. Rojet e armatosura kufitare të Gjermanisë Lindore hoqën dorë dhe i lanë njerëzit të kalojnë.

Më vonë, muri u rrëzua dhe rruga u hap.

Pas rënies, pjesa më e madhe e murit u copëtua dhe u hoq. Kancelari Helmut Kohl mori detyrën e bashkimit të dy Gjermanive.

Por rruga drejt bashkimit ishte e vështirë dhe jo pa kundërshtime dhe protesta nga neo-nazistët. Më pak se një vit pas rënies së murit, ribashkimi gjerman ishte i plotë.(voa)

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close