Ministri Sveçla: Ka përfunduar koha kur Kosova nënshtrohet, mesazhin e kanë kuptuar Beogradi e Brukseli

Ministri i Punëve të Brendshme, Xhelal Sveçla, ka deklaruar se ka përfunduar epoka kur Republika e Kosovës nënshtrohet, dhe se sipas tij, këtë mesazh tashmë e kanë kuptuar Beogradi dhe Brukseli. Ai ka shkruar në Facebook se Kosova ka Qeveri sovrane “të cilën askush nuk mund ta shantazhojë për shkak të hiseve në krim e korrupsion”.

“Përderisa Republika e Kosovës tregoi se ka institucione demokratike dhe profesionale, dhe se është e përkushtuar për rend dhe ligj, Serbia përgjatë 13 ditëve përdori të gjitha mjetet, përfshirë dhe veprimtarinë e vet kriminale përmes bllokimit të rrugëve, kërcënimeve për serbët lokal, shantazhit e sulmeve terroriste në institucionet publike. Por, as kjo ndërmarrje kriminale e sponsorizuar nga qeveria e Serbisë nuk arriti të zbrapsë Kosovën dhe njësitë tona speciale nga zbatimi i vendimit legjitim”, thuhet në statusin e tij në Facebook.

I pari i MPB-së ka potencuar se mbi parimin e reciprocitetit, Kosova ka vendosur të bashkëpunojë me aletatët.

“Sovraniteti dhe ligjshmëria do të shtrihet në tërë territorin e Republikës së Kosovës, me çdo kusht. Krimi dhe korrupsioni do të luftohen në çdo cep. Policia e Kosovës e dëshmoi për 13 ditë se përveç që është profesionale është edhe gatshme të kryej misionin e saj me sukses”, thuhet tutje.

“Reciprociteti me Serbinë u vendos me 20 shtator, dhe u zbatua në tërë territorin e Republikës së Kosovës. Policia e Kosovës, dëshmoi se është polici profesionale dhe e gatshme të mbrojë sovranitetin e shtetit dhe ofrojë rend dhe siguri anë e mbanë, pa dallim.”

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close