Kollçaku (LVV): Marrëveshja as nuk pretendon të sjellë njohjen defakto nga Serbia

Deputetja e Lëvizje Vetëvendosje, Fatmire Mulhaxha-Kollçaku sot para deputetëve në Kuvend foli për marrëveshjen e 30 shtatorit në Bruksel për targat.

Ajo tha se se kjo marrëveshje i sjell Kosovës disa përfitime, përcjell Klankosova.tv.

“Me 30 shtator 2021 në Bruksel u arrit marrëveshja përmes së cilës Kosova arriti të vendos principin e reciprocitetit në raport me Serbinë  Marrëveshja i sjell Kosovës disa përfitime njëherazi”

“Që nga dita e djeshme nuk ka barrikada në rrugët e Kosovës, Njësia Speciale e Kosovës pas 12 ditësh angazhim të shkëlqyer në mbrojtjen e vendkalimeve kufitare dhe stafit doganor e policor, mund t’i përkushtohet detyrave të tjera.Veturat që hyjnë nga Serbia do të trajtohen edhe më tej në bazë të reciprocitetit të plotë, duke u vendosur afishe ngjitëse që mbulojnë elementet shtetërore të vendit që nuk e njohin”, u shpreh deputetja.

Mulhaxha-Kollçaku tha se kjo marrëveshje nuk pretendon të sjellë njohjen nga Serbia.

“Kjo marrëveshje nuk është dhe nuk pretendon të jetë historike. Marrëveshja gjithashtu nuk e sjell dhe as nuk pretendon të sjellë njohjen defakto nga Serbia”, tha ajo.

Tutje, deputetja e VV-së tha se kjo marrëveshje është dashur të arrihet dhe zbatohet shumë vite më herët dhe se Kosova është dashur të vendos afishe që nga shtatori i vitit 2016.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close