Papa Françesku nuk do të marrë pjesë në Samitin e liderëve botërorë për Klimën

Papa Françesku nuk do të udhëtojë në Skoci për Konferencën e Kombeve të Bashkuara për Klimën, ka njoftuar Vatikani.

Kreu i Selisë së Shenjtë, ka thënë më parë se shpreson që do të marrë pjesë në organizimin në Glasgou muajin e ardhshëm, mirëpo gjithçka do të varet se si “ndihet atë kohë”.

Ai i është nënshtruar së fundmi një operimi në zorrën e trashë, në Romë.

Të premten, Vatikani ka thënë se delegacioni i tij do të jetë në Glasgou në vend të Papës.

Samiti i radhës për Klimën do të mbahet nga 31 tetori deri më 12 nëntor.

Papa Françesku ishte planifikuar që të ishte në mesin e 120 liderëve botërorë që do të marrin pjesë në organizimin për të diskutuar mundësitë e zvogëlimit të emetimeve që shkaktojnë ndryshime klimatike.

Organizatorët kanë konfirmuar se pjesë e samitit do të jetë presidenti amerikan, Joe Biden dhe Mbretëresha britanike Elizabeta II.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close