URA E ZOGUT MBI LUMIN MAT

Mbaroi ne maj te vitit 1927.
Për ndërtimin e urës mbi lumin Mat,Ministria e Punëve Botore angazhoi shoqërinë sipërmarrëse “Mazorana & Co”, me seli në Trieste. Ajo ishte e një rëndësie të veçantë, sepse do të bëhej një nyje lidhëse, për gjithë Shqipërinë e epërme me pjesën tjetër të vendit. Ura filloi të ndërtohej në maj të vitit 1926, sipas projektit të përpiluar nga gjermanët. Për të drejtuar punimet “Mazorana & Co” solli në Shqipëri ing. Erwin Schnitter; erdhën gjithashtu edhe 30 punëtorë profesionistë, që punuan së bashku me punëtorë shqiptarë,duke përdorur një teknologji moderne.
Gjatë ndërtimit të urës, për transportimin e materialeve nga njëra anë e lumit në tjetrën,u përdor një teleferik që vihej në punë me motorë Diesel. Këmbët e urës u futën 11m thellë nën shtratin e lumit. Ministria e Punëve Botore caktoi supervisor ing. Gjovalin Gjadri. Ura përfundoi pas një viti,ne kohë rekord, për një kryevepër inxhinjerike te kohes . Ajo kushtoi 900.114 franga ari; kishte gjashtë arkada, 54m secila, ndërsa gjatësia e përgjithshme ishte 480m. Sot, ura ka pesë arkada si pasojë e dëmtimit që pësoi përgjatë Luftës II Botërore.
Inaugurimi i urës mbi Mat u bë më 26 maj 1927. Morën pjesë kryetari i Senatit Pandeli Evangjeli, kryetari i Parlamentit Kostaq Kotta, ministra dhe deputetë. Fjalën e rastit e mbajti ministri i Punëve Botore Musa Juka, i cili e pagëzoi urën me emrin e Zogut.
Në vitet 1926-1931 u ndërtuan 21 ura të rëndësishme dhe në vitet në vazhdim shumë të tjera, por edhe pas thuajse një shekulli, për nga bukuria dhe madhështia,Ura e Zogut mbetet unike, gjë që ka bërë të shpallet prej kohe monument kulture, por si pasojë e indiferencës së këtij shteti, sot ajo rrezikon të shembet./Myzafer Muharremi

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close