Arbëria po fundoset, zot shpëtoje Arbërinë !

shkruan Fahri Xharra

E shohim apo jo, që një rrezik i madh ëshë duke i tundur tokat tona ? A mos vallë na duket si ëndërr dhe me shpresë se kur të zgjohemi shohim atë që që pamë si diçka të pa besueshme. ?

“Trillimet e regjimeve politike dhe Historitë e tyre Shtetërore se Osmanët janë pushtues të tokave shqiptare asessi nuk qëndron me natyrshmërin e Historisë Akademike ngase Perandoria Osmane në ato kohëra të largëta nuk pushtoi tokat shqiptare por pushtoi tokat Venedikase dhe ato Serbe…
Prandaj shoqëria shqiptare duhet të dij se, Bota Perëndimore me Muslimanët ka problem ideologjik, sepse Nacionalizmi dhe Komunizmi, dhe ai që quhet Evropianizëm është ndërtuar si AntiIslamizëm, një veçori vdekjeprurrëse për shqiptarët që duhet të luftohet si ideologji nacionaliste brenda mesit të shqiptarëve sot.
Të gjitha ‘’Izmat’’ duhet të luftohen shkaku se… Kombi është letërnjoftimi i identitetit personal dhe ai lokal, kurse Feja është passaporta univerzale që hapë rrugët e dy botrave të përhershme ekzistuese! – Savash VELIU
…..Në këtë kurth dinak të mesjetës ra pre edhe Skënderbeu i dirigjuar e i joshur me peshqeshe nga Venediku, Napoli dhe Vatikani i cili luftonte si vazali i tyre në dëm të principatave shqiptare një sindrom (traditë) vijuese që vazhdon edhe tek politikanët tanë të sotëm. Dhe kështu; “Çdo shoqëri e cila humb civilizimin do të humb orgjinalitetin e të menduarit”, (siç kemi humbur origjinalitetin e të menduarit të drejtë) thotë Malik ibën Nebi.
Secili prej nesh ka të drejtë natyrore nga Zoti, të mbrojë personalitetin, lirinë dhe pronën e vet. Këto janë tre kërkesat bazë jetësore tek çdo shoqëri e përparuar. Kushdo ka të drejtë të mbrojë mendimin e vet, madje me forcë, por jo ajo të jet e ngritur mbi verbëri vasale e veçmas të ca ‘’kuazi-intelektualëve’’ shqiptar kinse Perandoria Osmane ua dhuroi ose ua shiti tokat shqiptare serbo-grekëve qorazi, por Historia Akademike tregon ate ndryshe; ”Në atë vit që ne fituam pavarësinë (1912) janë vrarë 55.ooo ushtarakë turk, për ta mbrojtur Shqipërinë nga Serbët dhe Grekët.” këtë e thotë Akademiku Abdi Baleta (ish ambasador i Shqipërisë në OKB).( (https://thelajme.online/in/perandoria-osmane-nuk-i-pushtoi-tokat-shqiptare/?

“Me marrëveshjen për Bashkësinë e Komunave Serbe në Kosovë (Zajdnica ose Republika serbe), e nënshkruar nga Isa Mystafa dhe Hashim Thaqi, e ratifikuar dhe
nga Kuvendi në vitin 2015, me kompetenca shtetërore dhe kompetenca mbi pronat tokësore dhe kulturore, Kosova, duke pasur parasysh armiqësinë e pashembullt ndërpartiake për pushtet, pasuri dhe nepotizëm, varfërinë dhe migrimin masiv të rinisë dhe kokës intelektuale, brenda pak vitesh e tëra do të shkatërrohet.
Personalisht, ashtu edhe siç kam kërkuar dhe në letrën publike drejtuar Kryetares, Kryeministrit, Qeverisë dhe Kuvendit, nuk e kuptoj pse Kuvendi, në bazë të vrejteve të Gjykatës Kushtetuese, nuk e anulon marrëveshjen në fjalë, duke cilësuar si vepër antikombëtare dhe nënshkruesit e mbështetësit, qoftë edhe virtual, t’i gjykoj për tradhti kombëtare, para se Serbia, Evropa edhe Amerika të kërkojnë zbatinin e saj.
Në këtë vend, ftoj të gjitha forcat atdhetare që të jenë aktiv në kërkesa për të mos lejuar, me asnjë kusht krijimin e kësaj bashkësie në formën e nënshkruar, qoftë me shkrime në mediumet elektronike, qoftë me protesta masive paqësore.
Të gjithë ata shqiptar të cilët mendojnë se këtë marrëveshje nuk do ta lejoj Amerika, duke anuluar në miqësi, partneritet apo interes, janë tërësisht gabim, sepse interesi strategjik anti-Rusi i Amerikës dhe Evropës për Serbinë është më i madhë se për Kosovën.”
“Në veri na fyhen, rrahën, lëndohen dhe na vriten policët, e në Qeveri dhe në Kuvend mbrohet Serbia dhe Rusia, në qytete shëtitje, shaka, pije, kënaqësi e paparë!
Sot Kosova po rrezikohet jo vetëm nga Serbia dhe nga Rusia, por edhe shumë nga tregëtarët dhe tradhtarët e brendshëm Këta po komunikojnë edhe me Amerikën dhe Evropën me një qëllim të vetëm, “Rrëzimin e Qeverisë Kurti” dhe shpëtimin e vetvetës për tradhtinë ndaj tërësisë territiriale të vendit, të nënshkruar vite më parë me Serbinë, Malin e Zi dhe me Maqedoninë!
Rrini, heshtn, fleni, se edhe dheu nuk ka me ju pranuar! “
“”Eh, Arbêria ime! Sa shume e sa gjatë të lodhén, Zonjé e rêndé, Mbretnesha Jone e Përjetshme! Qe kur biri yt, më i madhi që Ti linde e u rrite, Gjergj Kastrioti ndërroi jeté, e që kur bijte e tu, burrat e dheut bashkëkohës të tij e të tjerë më vonë, u vranë e u syrgiynosen, Ti jeton si něna pa djalë. Ka më shumë se 500 vjet që dhunohet shtati e shpirti yt i shenjtë. Heqin e shkatërrojnë shenjat e tua, pjesët më të bukura, e nga ana tjetër vendosin “copéza Azie” pa fund mbi trupin tend… Kurrë s’tu ndaně osmanët e vjetër e të rinj, sllavet e grekët. S’u lodhën kurrë bishat e shushunjat duke të rënë e duke të ngrënë. Gjithmonë me ta bashkëveprojnë pa u lodhur pjella e tyre e keqe, ndonëse flasin gjuhën që na mésove .
Ti, nëna Arbëri. Kanë shkatërruar e po shkatërrojnë në trupin tënd më të bukurat e dheut, kështjella, kisha, por dhe bukuri të tjera që natyra të dhuroi Ty. Pra më e dhimbshmja është se edhe njerëzit që flasin gjuhën Tënde, po me atë gjuhë mendojnë, bëjnë e thonë të pavërteta për Ty, duke fshehur sa mundin prezencën dhe tjetërsuar formën e përmbajtjen e shpirtit dhe të qenies Tënde të bekuar. … Dhe e keqja e madhe nuk është se gënjejnë e falsifikojně, por se ndikimi i tyre është i madh edhe tek bijtë e Tu, që do të donin të të njihnin, madje dhe të krenoheshin me Ty, por që për shkak të tyre (falsifikatorëve dhe të atyre që e shtrembërojnë përditë historinë), Ti po mpakesh (zvogëlohesh) përherë e më shumë. Ti dhe biri yt, Gjergji, kujtoheni dhe jeni mě prezentë përtej detit, në Kalabri, Bazilikata, Siçili e kudo gjetiu në Europë, sesa në trojet e Ilirikut, ku u ngrite e fortë e madhështore për rreth 3-4 shekuj.. Gjithsesi, unë besoj në shpirtin tënd të shenjtë, jo vetëm se u ungjillèzove e u pagězove ndër të parat e botës, Arbëria ime, që në vitin 57 prej Palit dhe apostujve të tjerë, me “porosi-testament” të Jezu Krishtit, apo për shkak edhe se bijtë e Tu, më të mëdhenjtë e njerëzimit: Kostandini, Justiniani e Gjergj Kastrioti, përhapën e mbrojtën atë frymë, por dhe për faktin se për mbi 500 vjet ushtrim dhune e shkatërrimi mbi Ty, përsëri Ti qëndron, je aty e pavdekshme. Prandaj unë besoj në ripërtëritjen dhe në rilindjen tënde, Arbëria ime e dashur!”
Por,
Mëse e vërtetë, Yllirë i mbirë me dritën e Yllit. Jemi të ç’thurur, të përçarë, të kufizuar në interese vetjake të dobëta dhe të zymta, largë rrënjëve Yllire të lashta, larg misterit të Zeusit dhe perëndive Ylliropellazge, largë kulturës sonë që është në harresë, largë gjuhës sonë që është huazuar dhe kuptimet e saj kan humbur bukurinë dhe qëllimin e saj misteriorë, të zhytur në politikë të përditëshme dhe të lënë në harresë ngjarjet e përditëshme të vet jetës njerëzore,artistike dhe kulturore të cilat huazohen dhe jeta bazohet në kulturat e huaja dhe në mbrekullimin e tyre, dhe mohimin e vlerave tona të mëdha që kan ndërtuar qytetërimet e mëdha të kësaj Bote.
Kokëfortë sa më s’ka, që çdo ditë humbasin drejtimin,qëllimin, kuptimin, thelbin, e jetës së përbashkët vllazërore dhe harrojnë pasojat e së kaluarës për rreziqet që na presin, të zhveshur dhe kambzbathur, nga Bota e armatosur.Të krahasosh lavdërimet e poetit për udhëheqësin Yllirë që asnjëherë nuk cënoi askënd veçse Shqipëria jetonte në vënd të vet dhe me forcat e veta, përkundrazi Poeti i çmimit mbështeti fashizmin e Serbëve që luftoi dhe vrau kosovën tonë si dhe popujt e tjerë, eh….. Kjo është me të vërtetë një sëmundje që duhet dënuar ashtu siç dlnonte Egjypti në kohën e lashtë për pakënaqsinë e njeriut, që për këtë ndëshkohej.
Sigurishtë që kemi dhe yjet Yllirë që shkëlqejnë që duan këtë vënd dhe vlera dhe që vonë a shpejtë do të prijnë Yllirinë dhe ajo do të njoh lavdinë.

Referencat:
– Vëllezër dhe motra “ nga Dr. Nazim Qehaja; Nazim Qehaja PSE HESHTIN SHQIPTARËT E MJERË! ;; Gjet Ndoj “ Arbëria në kufijtë e mbijetesës” ;; Niko Toska “Mëse e vërtetë, Yllirë i mbirë me dritën e Yllit.”

Fahri Xharra, Gjakovë,13.10.21

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close