Sindikata e Policisë së Kosovës dënon ashpër sulmin ndaj zyrtarëve policorë

Sindikata e Policisë së Kosovës përmes një komunikate për media ka dënuar ashpër sulmin e fundit ndaj zyrtarëve policorë dhe ka kërkuar nga institucionet përgjegjëse, që sa më shpejtë t’i japin epilog këtij rasti dhe të gjitha rasteve tjera, që kanë si objekt sulmi Policinë e Kosovës.

Në reagimin e Sindikatës thuhet se “Policia e Kosovës është profesionale dhe po punon në respektim dhe zbatim të ligjit”.

“Sindikata dënon ashpër këto sulme dhe çdo sulm ndaj zyrtarëve policorë, që janë në krye të detyrës. Kërkojmë nga qytetaret e vendit që Policinë e Kosovës të përkrahët në punën e tyre, si në luftën kundër krimit dhe në detyrat e jashtëzakonshme me rrezik edhe për jetën e tyre dhe të çdo qytetari në Republikës e Kosovës. Ne edhe një herë kërkojmë nga organet kompetente që të marrë masa ndaj personave te papërgjegjshëm, të cilët lënduan policët në krye të detyrës”, thuhet në reagim.

Më tej, Sindikata thotë “Policëve të lënduar u urojmë shërim dhe kthim sa më të shpejtë në vendin e punës”.

Ndryshe, të mërkurën Policia realizoi një operacion kundër kontrabandës së mallrave në katër lokacione, kurse gjatë realizimit të operacionit në veri policët u sulmuan nga disa serbë, ku u lënduan gjashtë policë.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close