HRW akuzon talibanët për vrasje të ish-forcave të sigurisë

Organizata ndërkombëtare e të drejtave të njeriut, Human Rights Watch, tha se talibanët “kanë ekzekutuar ose zhdukur me forcë” më shumë se 100 ish-anëtarë të forcave të sigurisë.

Sipas organizatës, ekzekutimet dhe zhdukjet u bënë në vetëm katër nga 34 provincat e Afganistanit.

Grupi militant ka marrë pushtetin në Afganistan në mes të gushtit.

Udhëheqja talibane ka premtuar amnisti për të gjithë ata që kanë qenë të lidhur me Qeverinë e përmbysur afgane dhe ish-forcat e sigurisë.

Por, HRW tha se ka dokumentuar vrasjen ose zhdukjen e 47 ish-anëtarëve të Forcave të Sigurisë Kombëtare, të cilët janë dorëzuar ose janë kapur nga militantët talibanë në periudhën 15 gusht – 31 tetor.

Grupi tha se ka mbledhur “informacione të besueshme” për vrasjen e më shumë se 100 vetave, që kanë qenë pjesë e ushtrisë, policisë ose inteligjencës, gjatë regjimit të kaluar në provincat Gazni, Helmand, Kandahar dhe Kunduz.

“Barra është mbi talibanët për të parandaluar vrasjet e mëtejshme, për të kërkuar llogari nga ata që janë përgjegjës dhe për të kompensuar familjet e viktimave”, tha Patricia Gossman, drejtore për Azinë pranë organizatës Human Rights Watch.

Në përgjigje ndaj gjetjeve të HRW-së, talibanët thanë se kanë shkarkuar përgjegjësit për abuzime, por nuk dhanë asnjë informacion për të vërtetuar pretendimet e tyre, tha organizata.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close