Kryeministri Kurti: Po përgatitet vizita ime në SHBA në fillim të vitit të ardhshëm

Kryeministri Albin Kurti, ka thënë se stafi i tij po e përgatit vizitën e tij në Shtetet e Bashkuara të Amerikës, e cila siç tha ai, do të zhvillohet në fillim të vitit të ri.

Kryeministri ka thënë se vizitën është duke ia përgatitur shefi i stafit, por nuk ka konfirmuar ndonjë takim.

“Shefi i stafit tim Luan Dalipi po e përgadit vizitën time për në SHBA për fillim të vitit të ardhshëm, nuk do të njoftojmë për takime të veçanta pa u bërë programi i plotë”, ka thënë ai.

Kurti tutje ka folur edhe për takimin e mundshëm me presidentin serb, Aleksandar Vuçiq, i cili ka mundësi të mbahet në javën e dytë të dhjetorit.

“Është diskutuar mundësia për një takim të mundshëm në javën e dytë të dhjetorit me presidentin e Serbisë në Bruksel. Nuk kam informata për kushtëzime, vlerësimi i përket ndërmjetësuesit, Josep Borrell dhe emisarit Mirsoslav Lajçak. Ata vendosin nëse do të na dërgojnë ftesat ose jo”, ka thënë ai.

Ndryshe, Zyra e Kryeministrit ka bërë të ditur se vizita e paraparë e Kurtit në SHBA për muajin nëntor është shtyer.

Një vizitë e mundshme pritet të ndodhe në muajt e parë të vitit 2022.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close