Prokuroria jep detaje për tre të arrestuarit për vrasjen në Gllogjan

Ka përfunduar seanca ndaj tre personave të dyshuar për vrasjen e trefishtë që ka ndodhur ditë më parë në Gllogjan.

Zëdhënësi i Prokurorisë së Pejës, Shkodran Nikçi, ka bërë të ditur para mediave se prokurorja e rastit ka parashtruar kërkesën e masës së paraburgimit për tre të dyshuarit.

Sipas tij, tre te arrestuarit dyshohen se kanë kryer veprën penale ” vrasje e rëndë” dhe “armëmbajtje pa leje”.

“Prokurorja e rastit ka parashtruar kërkesën për masën e paraburgimit, këtë kërkesë e ka elaboruar sot në seancën e procedurës paraprake para gjyqtarit. Shpresojmë që gjyqtari të marrë vendimin e duhur”, u shpreh Nikçi.

Më tej tha se për shkak të ndjeshmërisë së rastit nuk do të japin më shumë detaje.

Gjatë seancës dëgjimore, e cila nisi nga ora 16:00, u panë forca të shtuara të Njësisë Speciale para Gjykatës Themelore në Pejë.

Ndryshe, të shtunën më 11 dhjetor, Policia e Kosovës arrestoi tre persona si të dyshuar për vrasjen e trefishtë që ndodhi më 26 nëntor në fshatin Gllogjan të Deçanit.

Pas sulmit që iu bë një autobusi, i cili udhëtonte nga Gjakova drejt Gllogjanit, u vranë ngasësi i autobusit dhe dy nxënës që ndodheshin brenda.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close