Raportohet për raste të reja me “Sindromën e Havanës”

Katër diplomatë tjerë amerikanë që punojnë në Gjenevë dhe Paris janë sëmurë me sëmundjen neurologjike të njohur si “Sindroma e Havanës”, kanë raportuar mediat amerikane.

Tre diplomatë janë sëmurë në qytetin zviceran, dhe një tjetër në kryeqytetin francez verën e kaluar.

Rreth 200 persona janë prekur nga kjo sëmundje në pesë vjet.

Sekretari amerikan i Shtetit, Antony Blinken, ka thënë se Qeveria amerikane është duke punuar për të gjetur thelbin e këtij misteri.

Ka shqetësime se ndonjë kundërshtar mund të ketë shënjestruar diplomatët me mikrovalë.

Blinken ka thënë se çështja është diskutuar me Rusinë, mirëpo nuk është arritur te ndonjë përfundim.

Sindroma e Havanës është identifikuar fillimisht në Kubë, më 2016, dhe ka prekur diplomatë amerikanë, spiunë dhe pjesëtarë të familjeve, si dhe një numër të stafit diplomatik kanadez, të angazhuar në Kubë.

Disa persona që kanë përjetuar Sindromën, janë përballur me marramendje dhe lodhje për muaj të tërë.

Në mesin e rasteve të fundit përfshihet një person, i cili është evakuuar nga Zvicra në Shtetet e Bashkuara për t’u trajtuar, kanë raportuar mediat.

Blinken ka thënë për mediat amerikane se ai ka biseduar me punëtorë që kanë përshkruar sëmundjen e tyre dhe se si u ka ndërruar jeta.

Ai ka thënë se njerëzit janë “prekur drejtpërdrejt dhe fuqishëm”.

“Deri më tani ne nuk e dimë se çfarë ka ndodhur, dhe nuk e dimë saktësisht se kush është përgjegjës”, ka thënë ai.

“Ne jemi duke punuar vazhdimisht për të kuptuar çfarë ka ndodhur, kush është përgjegjës”, ka thënë ai.

Rusia, Kina dhe vetë Shtetet e Bashkuara, kanë thënë se kanë bërë hulumtime rreth mikrovalëve për qëllime ushtarake, mirëpo Moska ka hedhur poshtë akuzat se ka përdorur “armë me mikrovalë” kundër misioneve amerikane.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close