SHBA-ja pezullon disa fluturime të Kinës

Shtetet e Bashkuara kanë pezullimin 44 fluturime drejt Kinës, në përgjigje të një vendimi të mëhershëm të Kinës që anuloi disa fluturime të SHBA-së për shkak të shqetësimeve lidhur me koronavirusin.

Uashingtoni tha më 21 janar se do të pezullojë fluturimet e katër kompanive ajrore kineze duke nisur nga 30 janari dhe ky vendim do të vlejë deri në fund të marsit.

Vendimi prek disa fluturime të kompanive ajrore Xiamen, Air China, China Southern Airlines dhe China Eastern Airlines.

Që prej 31 dhjetorit të vitit 2021, Pekini ka pezulluar fluturimet e kompanive ajrore amerikane United, American dhe Delta pasi disa pasagjerë kishin dalë pozitivë me koronavirus.

Një zëdhënës i Ambasadës kineze në Uashington i tha agjencisë Reuters se politikat e Pekinit “janë zbatuar në mënyrë të barabartë për gjitha kompanitë ajrore kineze dhe të huaja në një mënyrë fer, të hapur dhe transpçarente”.

Për shkak të politikave të ashpra kundër pandemisë, Kina praktikisht ka mbyllur kufijtë e saj, ka reduktuar fluturimet ndërkombëtare vetëm 200 në javë, që paraqet vetëm 2 për qind të fluturimeve që kryheshin para pandemisë, kanë thënë autoritetet kineze.

 

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close