UNMIK-u përkrah Radio Kosovën

Misioni i UNMIK-ut përmes një donacioni i ka dhuruar Radio Kosovës, pajisje për punë, si kompjuterë, laptopë e printer. Ky donacion ka për qëllim të mbështes punën e stafit të Radio Kosovës.

Ushtruesja e detyrës së drejtoreshës së Radio Kosovës, Flora Durmishi me këtë rast, ka falënderuar, Caroline Ziadeh , Përfaqësuese e Sekretarit të Përgjithshëm në Kosovë dhe Shefe e Misionit të Administratës së Përkohshme të Kombeve të Bashkuara në Kosovë (UNMIK).

“Në emër të të gjithë punonjësve të Radio Kosovës, dëshiroj të shpreh falënderimet e mia të sinqerta për mbështetjen që i keni dhënë institucionit tonë. Donacioni që keni bërë ditë më parë, i cili përfshin pajisje pune shumë të rëndësishme për ne, është një gjest bujar dhe dëshmi e interesimit tuaj për të mbështetur përparimin e punës në disa sektorë vitalë të Radio Kosovës. Donacioni juaj do të jetë shumë i rëndësishëm për efikasitetin tonë në punë. Ne jemi thellësisht mirënjohës. Në të njëjtën kohë, ky gjest bujar na bën të ndihemi mirë për faktin se këtë e kuptojmë si shenjë e besimit tuaj në profesionalizmin, përgjegjësinë dhe përkushtimin e punonjësve dhe menaxhmentit të Radio Kosovës. Mbetemi me shpresë se mbështetja juaj do të vazhdojë edhe në të ardhmen” ka thënë Durmishi.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close