Haradinaj (AAK) në RTK: Kurti ka shumë çështje më të rëndësishme se veteranët

Kryetari i AAK-së, Ramush Haradinaj i ftuar në emisionin RTK Prime ka thënë se nuk është koha që kryeministri i vendit, Albin Kurti të merret me veteranët e luftës.

Haradinaj thotë se sot do duhej të flitej për rritje të pensioneve për kategoritë e luftës e jo të kthehen debate që tashmë janë të mbyllura.

“Në vend të kësaj, Kurti është kthyer në një debat ofendues. Pse duhet të diskutojmë edhe njëherë? Kurti e gjeti tash që të hapë një debat, për të cilin janë shpallë të pafajshëm ata që ishin të akuzuar”, tha Haradinaj.

“Është fyese kjo çfarë po synon Kurtin me çështjen e luftërave të lirisë. Nuk është koha që tash Kurti të merret me çështjen e veteranëve”, tha ai.

Sipas tij, ajo se çfarë po ndodhë aktualisht në vend, është ngecja e dialogut dhe kryeministri po tregohet shumë fleksibil ndaj shteteve të QUINT-it.

Ish-kryeministri i Kosovës, po ashtu ka diskutuar edhe për disa tema tjera si pjesë e opozitës.

Ndër temat që po diskutohen në emision është edhe puna e refuzimit të gazit amerikan.

Sipas tij, refuzimi i këtij projekti ka pozicionuar Kosovën keq ndaj politikave amerikane dhe të aleatëve.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close