Qentë endacakë, problem i vazhdueshëm për Prishtinën

Qentë endacakë vazhdojnë të jenë një ndër problemet e vazhdueshme me të cilin përballet Komuna e Prishtinës, por edhe qytetet e tjera të vendit. Institucionet nuk kanë statistika të sakta për numrin e qenve endacakë, por thonë se shumë shpejt do të gjendet një zgjidhje për këtë problem. Për këtë qëllim ditë më parë Agjencia e Ushqimit dhe Veterinarisë ka hapur tenderë në vlerë prej 420 mijë euro për identifikimin dhe regjistrimin e qenve me pronarë në gjithë vendin.

Çështja e qenve endacakë, e cila deri më tani ka marrë edhe jetë njerëzish, vazhdon të mbetet problem mjaft i theksuar në të gjitha komunat e Kosovës. Për këtë qëllim Komuna e Prishtinës ka organizuar takim koordinues me komunat e rajonit të Prishtinës, me qëllim të vendosjes së bashkëpunimit ndër-komunal për sa i përket zgjidhjes së këtij problemi. Kryetari i Prishtinës, Përparim Rama, tha për Radio Kosovën nga 5 pika të ushqimit për qentë endacakë sa ka pasur, tani Komuna e Prishtinës ka krijuar 25 pika të tjera.

“Është në të mirën e të gjitha komunave që në mënyrë sistematike e me veprime të përbashkëta që ta bëjmë zgjidhjen një herë e përgjithmonë për sa i përket qenve endacakë. Proceset që i ka marrë Komuna e Prishtinës, t’i marrin edhe komunat përreth për sa i përket problemit të qenve endacakë”, tha Rama .

E lidhur me trajtimin e këtyre qenve, Agjencia e Ushqimit dhe Veterinarisë ka hapur tenderë për identifikimin dhe regjistrimin e qenve me pronar në territorin e vendit. Sadik Heta, Drejtor i Drejtorisë së Shëndetit dhe Mirëqenies së Kafshëve, tha për Radio Kosovën. Vlera e parashikuar për kontratë nga AUV është 420 mijë euro. Ndërsa kohëzgjatja e kontratës është paraparë të jetë 12 muaj.

“Ky projekt do të realizohet në të gjitha komunat e vendit, do të financohet nga AUV-i dhe ka vlerën 420 mijë euro. Është projekt që synon identifikimin dhe regjistrimin e qenve me pronarë në territorin e vendit. Do të përfshihen rreth 18 mijë qen në afat prej një viti, do të kemi të kontraktuar ambulancat veterinare të cilat do të merren me identifikimin dhe regjistrimin me mikro-çip të qenve me pronarë si dhe do të lëshojmë pasaporta për secilën kafshë”, tha Heta.

Një tender të tillë, Agjencia e Ushqimit dhe Veterinës kishte iniciuar në dhjetor të vitit 2021 mirëpo ai ishte anuluar. Ndryshe, në muajin shtator të vitit të kaluar, Fondacioni për të Drejtat e Kafshëve, ka kërkuar nga pushteti lokal në gjithë vendin që të punojnë më shumë në menaxhimin e kafshëve, përkatësisht të qenve endacakë.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close