Shkarkohet kreu i Konsullatës së Kosovës në Nju Jork

Ministria e Punëve të Jashtme ka shkarkuar kreun e Konsullatës së Përgjithshme në Nju Jork, Frymëzim Isufajn.

Lajmin e ka bërë të ditur vetë ai përmes rrjetit social Facebook. Isufaj shkruan se vendimi për shkarkimin e tij është jo-ligjor dhe tërësisht politik.

“Përveç ndërprerjes së parakohshme dhe të pa arsyetuar të mandatit tim të rregullt, përmes vendimeve të paligjshme, dëshirojnë që të pamundësojnë edhe vazhdimin e marrëdhënies së punës si diplomat karriere në institucionin në të cilin kam shërbyer afërsisht në 10 vitet e fundit”, ka shkruar Isufaj në një postim në Facebook derisa ka shtuar se do të ndjekë rrugët ligjore dhe se në këtë fazë nuk do të publikojë arsyet për të mbrojtur kredibilitetin e institucionit ku ka shërbyer.

“Ti shërbej vendit tim gjatë kësaj periudhe pothuajse 15 vjeçare në institucione të ndryshme, e sidomos si diplomat në një vend të rëndësishëm si SHBA (vendit ndaj të cilit duhet të jemi përherë mirënjohës), fillimisht në Uashington e pastaj në New York, ka qenë nderi im më i madh jetësor… Pavarësisht të gjithave padrejtësive, aktiviteti im në shërbim të interesit shtetëror dhe kombëtar nuk do të ndalet asnjëherë. Gjithmonë mirënjohës për përkrahjen tuaj dhe jam i bindur që bashkëpunimi më të gjithë ju do të vazhdojë edhe më tutje në përballje me sfidat e reja që na presin përpara”, ka shkruar pos tjerash Isufaj.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close