Kremlini pranon “humbjet e konsiderueshme të trupave”

Rusia ka pësuar “humbje të konsiderueshme të trupave”, ka thënë Dmitry Peskov, zëdhënës i presidentit rus, Vladimir Putin.

Peskov është pyetur nga mediumi britanik Sky News, nëse lufta ka qenë një “poshtërim”, marrë parasysh që Rusia është tërhequr nga kryeqyteti ukrainas, Kiev, ka humbur mijëra trupa dhe që presidenti ukrainas, Volodymyr Zelensky është ende në pushtet.

Ai ka thënë se ekziston “bindje e gabuar” për atë që po ndodh.

Mirëpo i pyetur nëse Rusia ka humbur mijëra trupa, ai ka thënë se “po, ne kemi humbje të konsiderueshme të trupave dhe kjo përbën tragjedi të madhe për ne”.

Ai më pas ka thënë se tërheqja nga rajoni i Kievit dhe Çernihivit ka qenë “akt i vullnetit të mirë” për të ulur tensionet gjatë bisedimeve për paqe.

Përgjatë intervistës, Peskov ka përsëritur arsyet e Rusisë për atë që e quan “operacion special ushtarak”, duke thënë se Ukraina është bërë “anti-ruse” dhe se Rusia “është nervozuar shumë”, pas NATO-ja “ka nisur të lëvizë drejt kufijve tanë”.

Rusia ka thënë më parë se 1,351 ushtarë të saj janë vrarë.

Shifrat e sakta nuk dihen, mirëpo një zyrtar i NATO-s është cituar të ketë thënë sipas mediave amerikane se mes 7,000 deri në 15,000 trupa ruse kanë vdekur.

Edhe Shtetet e Bashkuara kanë vlerësime të ngjashme.

Presidenti rus, Vladimir Putin ka urdhëruar “operacion special” për të çmilitarizuar Ukrainën, më 24 shkurt.

Veprimi i Kremlinit ka nxitur zemërim dhe është dënuar në shumë vende të botës.

Shtetet e Bashkuara dhe aleatët janë përgjigjur me sanksione të ashpra kundër Moskës.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close