Polonia mban konferencë të donatorëve për refugjatët ukrainas

Polonia do të jetë nikoqire e një konferencë donatorësh të shtunën për të ndihmuar më shumë se 11 milionë njerëz që janë dëbuar nga Ukraina nga pushtimi i Rusisë ose që janë zhvendosur brenda vendit.

Ngjarja, e cila fillon në orën 15:00 sipas kohës locale në Varshavë, u organizua nga organizata joqeveritare Global Citizen, Komisioni Evropian dhe qeveria kanadeze.

Paratë do të shkojnë kryesisht për programet e Kombeve të Bashkuara dhe iniciativat lokale të ndihmës.

Presidentja e Komisionit Evropian Ursula von der Leyen, është planifikuar të paraqitet personalisht në këtë ngjarje.

Kryeministri kanadez Justin Trudeau do të bashkohet përmes video-lidhjes.

Pjesëmarrjen e ka konfirmuar edhe presidenti polak, Andrzej Duda.

Që nga fillimi i pushtimit rus më 24 shkurt, më shumë se 2.5 milionë ukrainas kanë kaluar kufirin për në Poloni.

Sipas Agjencisë së OKB-së për Refugjatët (UNHCR), një total prej rreth 4.4 milionë njerëz janë larguar nga Ukraina.

Organizata Ndërkombëtare për Migracionin e OKB-së tha këtë javë se 7.1 milionë njerëz janë detyruar të lënë shtëpitë e tyre, por mbeten brenda kufijve të vendit të shkatërruar nga lufta.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close