FSK në “Defender Europe 23” mes ushtrive të 28 shteteve

Ministria e Mbrojtjes përmes Shtabit të Përgjithshëm të FSK-së si dhe me të gjitha strukturat komanduese të të gjitha niveleve, ka filluar procesin planifikues për pjesëmarrjen në stërvitjen “Defender Europe 23”.

Ministri i Mbrojtjes, Armend Mehaj, vizitoi  oficerët, nënoficerët dhe nëpunësit në Shtabin e Përgjithshëm të FSK-së, për t’i përgëzuar për fillim të mbarë të ndërmarrjes më të madhe stërvitore, së bashku me forcat e 28 vendeve aleate të udhëhequra nga Komanda e Forcave Amerikane për Evropë dhe Afrikë.

“Defender-Europe’23” do të jetë sprova jonë që do ta realizojmë me sukses të plotë dhe do të ri-konfirmojmë fuqishëm se jemi të gatshëm plotësisht për të dhënë kontributin efektiv bashkë me forcat e vendeve aleate në sigurinë dhe stabilitetin rajonal, kontinental dhe global”, deklaroi ministri Mehaj.

Ai tha se objektiv kryesor për vitin 2022/23, është zhvillimi i aftësive dhe kapaciteteve operacionale për mbrojtjen e integritetit territorial, pavarësisë dhe sovranitetit të Kosovës.

Megjithatë, nuk është hera e parë që FSK-ja merr pjesë në stërvitje të ngjashme.

Vitin e kaluar,  FSK-ja kishte përmbyllur me sukses misionin e saj në stërvitjen “Defender Europe 2021”, në të cilën ishin pjesëmarrës 27 shtete me 28 mijë ushtarë.

Demonstrimi i aftësive të Forcës së Sigurisë së Kosovës është vlerësuar lartë edhe nga Shtetet e Bashkuara të Amerikës.

“Ushtrimi Defender 21” vitin  e kaluar  shtrihej  në rajonin e Ballkanit Perëndimor, rajonin e Detit të Zi dhe Baltikut.

Forca e Sigurisë së Kosovës në këtë ushtrim mori pjesë me 330 pjesëtarë duke përfshirë: HICON (kontrolla e lartë), Audiencën primare dhe Audiencën sekondare. Audiencë primare nga FSK ishte Kompania A e Regjimentit të parë të Këmbësorisë.

“Europe Defender” është ushtrimi më i madh ku ka marrë pjesë Kosova dhe FSK, duke dëshmuar gatishmërinë dhe kapacitetet e saj ushtarake.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close