Shpenzimet ushtarake globale sërish rekord të ri

ATSH-AFP/ – Shpenzimet ushtarake globale u rritën përsëri në vitin 2021 duke vendosur rekorde të reja, ndërsa Rusia vazhdon agresionin kundër Ukrainës.

”Pavarësisht pasojave ekonomike nga pandemia Covid-19, shpenzimet ushtarake globale u rritën me 0,7% vitin e kaluar”, sipas raportit të Institutit Ndërkombëtar të Kërkimit të Paqes në Stokholm (SIPRI).

“Në vitin 2021, shpenzimet ushtarake u rritën për të shtatën vit radhazi duke arritur në 2,1 trilionë dollarë. Kjo është shifra më e lartë që kemi regjistruar ndonjëherë”, tha studiuesi Diego Lopes da Silva.

Shpenzimet e Rusisë u rritën me 2,9%, për të tretin vit radhazi, në 65,9 miliardë dollarë.

”Shpenzimet ushtarake ruse përbënin 4,1% të PBB-së së vendit, një nivel shumë më i lartë se mesatarja botërore”, shtoi ai.

Të ardhurat nga eksportet e naftës dhe gazit i lejuan vendit të financonte këto shpenzime të mëdha ushtarake.

”Është e vështirë të parashikohet nëse Rusia do të jetë në gjendje të mbajë këtë nivel shpenzimesh”, Lopes da Silva.

Nga ana tjetër, shpenzimet ushtarake të Ukrainës janë rritur me 72% që nga aneksimi i Krimesë.

Edhe pse këto shpenzime janë ulur me më shumë se 8% në vitin 2021 për të arritur në 5,9 miliardë dollarë, ato përsëri përfaqësojnë 3,2% të PBB-së së vendit.

Me rritjen e tensioneve në Evropë, edhe vendet anëtare të NATO-s rritën shpenzimet e tyre.

Vitin e kaluar, tetë anëtarë të aleancës arritën objektivin e tyre prej 2% të PBB-së kushtuar buxhetit ushtarak.

Lopes da Silva tha se pret që shpenzimet ushtarake të vazhdojnë të rriten.

Gjatë dekadës së fundit, shpenzimet e SHBA për kërkimin dhe zhvillimin janë rritur me 24%, ndërsa blerjet e armëve kanë rënë me 6,4%.

“Qeveria amerikane ka theksuar vazhdimisht nevojën për të ruajtur avantazhin teknologjik të ushtrisë amerikane ndaj konkurrentëve të saj strategjikë”, tha Alexandra Marksteiner, një tjetër studiuese e SIPRI-t.

Kina, shpenzuesja e dytë më i madhe ushtarake në botë me rreth 293 miliardë dollarë, rriti shpenzimet me 4,7 për qind, duke shënuar vitin e 27-të radhazi të rritjes së shpenzimeve.

Forcimi i aftësive ushtarake kineze i ka shtyrë fqinjët e saj rajonalë që nga ana e tyre të rrisin buxhetet e tyre ushtarake.

Japonia shpenzoi shtatë miliardë dollarë, një rritje prej 7,3%, rritja më e madhe vjetore që nga viti 1972.

Australia gjithashtu shpenzoi 4% më shumë për ushtrinë e saj, duke arritur në 31,8 miliardë dollarë në 2021.

India, shpenzuesja e tretë më e madhe në botë me 76,6 miliardë dollarë, gjithashtu rriti financimin e saj në 2021.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close