PDK kërkon themelimin e Komisionit Hetimor dhe transparencë për energjinë

Kryetari i Grupit Parlamentar të Partisë Demokratike të Kosovës, Abelard Tahiri dhe kryetari i Komisionit Parlamentar për Ekonomi, Industri, Ndërmarrësi dhe Tregti, Ferat Shala, një konferencë për media, prezantuan të dhëna lidhur me prodhimin, eksportin dhe importin e energjisë elektrike, njëherit kërkuan themelimin e Komisonit Hetimor dhe transparencë për subvencionet për energjinë.

Kryetari i Grupit Parlamentar, Abelard Tahiri me këtë rast tha se PDK-ja kërkon me ngulëm themelimin e Komisionit Hetimor Parlamentar, lidhur me shitblerjen e energjisë, dhe mënyren e shpenzimit të subvencioneve.

Ai shtoi se PDK-ja kërkon përgjegjësi nga qeveria Kurti lidhur me atë se si u shpenzuan 100 milionë euro, të cilat ishin si subvencion për energjinë elektrike, kur dihet se Kosova ka shitur rrymë dhe kur njëkohësisht dihet gjithashtu janë rritur çmimet e sajë.

“A mundet me na tregu kryeministri Kurti dhe ministrja Rizvanolli, se a janë shpenzuar 100 milionë euro për subvencione. Mjetet ku po shkojnë?”, ka shtuar ai.

“I bëjmë thirrje Kryeministrit të mos pengojë themelimin e Komisionit Hetimor, kërkojmë sqarimi për shitblerjen e rrymës. Sa dhe si janë u shpenzuan këto para”, ka thënë Tahiri. Ai bëri thirrje kryeministrit Kurti që t’i lejojë deputetët e VV-së ta votojnë themelimin e Komisionit Hetimor Parlamentar.

Tahiri ka deklaruar se prodhimi i energjisë elektrike ka mbuluar nevojat për konsum gjatë këtyre tre muajve. Ai ka paraqitur shifrat e prodhimit, eksportit dhe importit të energjisë elektrike nga muaji janar, derisa ka kërkuar të dijë se pse janë dyfishuar tarifat e energjisë elektrike.

Ai shtoi se gjatë muajt mars janë dyfishuar tarifat e rrymës, deri sa dihet se Kosova ka shitur rrymë dhe njëkohësisht ka importuar rrymë me çmim më të lartë. Prandaj thotë Tahiri kërkohet sqarim si u shpenzuan parat e subvencioneve dhe njëkohësisht përsëriti kërkesën për themelimin e Komisonit Hetimor.

Këtë kërkesë, në konferencën për media, e bëri edhe kryetari i Komisionit Parlamentar për Ekonomi, Industri, Ndërmarrësi dhe Tregti, Ferat Shala, dhe shprehi habinë pse kundërshtohet themelimi i Komisionit Hetimor Parlamentar për energjinë.

“Si Grup Parlamentar dhe komision, kemi kërkuar që urgjentisht të formohet komisioni hetimor. Këto kërkesa nuk do të ndalen, përkundrazi, do të shtohen. Qytetarët e meritojnë të dijnë të vërtetën”, tha Shala.

Edhe LDK-ja  AAK-ja më parë kanë deklaruar se nuk do të marrin pjesë në asnjë votim në Kuvendin e Kosovës, deri në formimin e Komisionit Hetimor Parlamentar për energjinë.

Komisioni hetimor kërkohet të formohet për krizën energjetike, çështjet e tarifës dhe punësimet në KEK.

Mediat sllovene kanë raportuar, para disa ditësh, se një rast, të cilësuar si skandal financiar, ku është i përfshirë Robert Golob, kryetar i Partisë së Lirisë. Në këtë aferë, ku dyshohet për shpëlarje parash, mediat e këtij vendi raportuan se dyshohet se  është përfshirë edhe ambasadori i Kosovës në Kroaci, Martin Berishaj. Për këtë të fundit, ato raportojnë se ka bartur rreth 600 mijë euro nga kompania e tij në Mal të Zi për tek politikani slloven.

Megjithatë, raportimet e mediave, i ka mohuar ambasadori Martin Berishaj, i cili ka deklaruar se do të ndjekë të gjitha rrugët ligjore për të zbardhur këtë çështje.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close