Gjermania mbështet anëtarësimin e Kosovës në Këshillin e Evropës

Deputeti i Bundestagut, Knut Abraham në profilin e tij në Twitter e ka publikuar një përgjigje të Qeverisë gjermane sa i përket çështjes së anëtarësimit të Kosovës në Këshill të Evropës.

Deputeti gjerman i ka bërë pyetje Qeverisë së Gjermanisë nëse do ta mbështeste një aplikim të Kosovës për anëtarësim në Këshillin e Evropës dhe përgjigja që ka marrë ka qenë pozitive për Kosovën.

“Përgjigja e qeverisë gjermane në pyetjen time rreth anëtarësimit të Kosovës në Këshillin e Evropës është shumë inkurajuese. Tani Gjermania duhet të mbështesë në mënyrë proaktive aplikimin e Kosovës në Këshillin e Evropës. Politikanët evropianë nga fraksione të ndryshme e mbështesin këtë”, ka shkruar Abraham.

Ndërkaq, në përgjigjen e Qeverisë së Gjermanisë, të cilën e ka publikuar Abraham thuhet se “Qeveria Federale mbështet anëtarësimin e Republikës së Kosovës në Këshill të Evropës. Është e rëndësishme të qëndrojmë në koordinim të ngushtë me partnerët tanë në Bashkim Evropian dhe në Këshill të Evropës”.

Institucionet e Kosovës kohët e fundit kanë nisur të punojnë me këmbëngulje për anëtarësim në mekanizmat evropianë, teksa procesi i anëtarësimit në Këshillin e Evropës tashmë duket më i lehtë, duke pasur parasysh përjashtimin e Rusisë.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close