Scholz: Gjermania ka përgjegjësi historike për të mbështetur luftën e Ukrainës

ATSH-DPA/ – Kancelari gjerman, Olaf Scholz theksoi përgjegjësinë historike të Berlinit për të mbështetur luftën e Ukrainës kundër Rusisë, në një fjalim televiziv me rastin e 77-vjetorit të përfundimit të Luftës së Dytë Botërore.

“Ne kemi nxjerrë një mësim qendror nga historia katastrofike e vendit tonë midis viteve 1933 dhe 1945”, tha Scholz, sipas një transkripti të një fjalimi televiziv.

“Ne mbrojmë ligjin dhe lirinë. Ne mbështesim Ukrainën në luftën kundër agresorit”, tha ai.

Scholz theksoi se ishte thellësisht i bindur se presidenti rus Vladimir Putin nuk do ta fitonte luftën.

“Liria dhe siguria do të triumfojnë, ashtu si liria dhe siguria triumfuan mbi dhunën dhe diktaturën 77 vjet më parë”, tha ai.

Ngjarje përkujtimore u zhvilluan në të gjithë Gjermaninë në sfondin e një pranie të madhe policore për shkak të tensioneve të mundshme për luftën në Ukrainë.

Në Memorialin Sovjetik në parkun ”Treptower” të Berlinit, qindra njerëz vendosën lule dhe përkujtuan të rënët gjatë mëngjesit të sotëm.

Sipas një zëdhënësi të policisë, shumë njerëz erdhën gjithashtu në Memorialin Sovjetik në Mitte.

Disa vendosën kurora me lule.

Presidenti gjerman Frank-Walter Steinmeier e përshkroi luftën në Ukrainë si një “çarje epokale”.

“Ne ishim shumë të sigurt se paqja, liria, mirëqenia mund të merreshin si të mirëqenë”, tha Steinmeier në takimin vjetor të Konfederatës së Sindikatave Gjermane në Berlin.

“Kjo luftë na bën të kuptojmë në një mënyrë brutale se ne duhet të mbrojmë dhe mbrojmë demokracinë tonë”, theksoi ai.

Ambasadori i Ukrainës në Gjermani, Andriy Melnyk shprehu zhgënjimin në adresë të Scholz, duke i thënë transmetuesit ARD se “nuk dëgjoi shumë gjëra të reja” në komentet e kancelarit.

Ai tha se premtimi i Gjermanisë për të ofruar sisteme moderne artilerie në formën e shtatë obuseve vetëlëvizëse ishte një “vendim i mirë”, por se ai priste më shumë.

”Nazistët e Adolf Hitlerit u mundën në Luftën e Dytë Botërore sepse SHBA-ja dhe vendet e tjera furnizuan me mijëra avionë dhe tanke Bashkimit Sovjetik”, tha ai.

“Dhe ne po flasim për shtatë obusi dhe asnjë perspektivë të mëtejshme”, shtoi Melnyk.

Melnyk kishte vendosur më parë një kurorë në Memorialin Sovjetik në parkun ”Tiergarten” të Berlinit të dielën për të përkujtuar dëshmorët ukrainas të Luftës së Dytë Botërore.

Disa qindra njerëz u mblodhën në memorial.

Disa pjesëmarrës kënduan në gjuhën ukrainase. Shumë veshën blu dhe të verdhë, ngjyrat kombëtare të Ukrainës.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close