Rusia anulon shfaqjen ajrore në paradën e 9 Majit

ATSH-DPA/ – Rusia anuloi një shfaqje ajrore në paradën ushtarake të Moskës në përvjetorin e fitores së Bashkimit Sovjetik ndaj Gjermanisë naziste në Luftën e Dytë Botërore.

“Shfaqja ajrore e paradës nuk do të zhvillohet për shkak të motit”, theksoi zëdhënësi i Kremlinit, Dmitry Peskov për agjencinë shtetërore ruse të lajmeve, TASS.

Në parade ishin parashikuar të merrnin pjesë 77 avionë dhe helikopterë.

”Shokë oficerë, nënoficerë, gjeneralë dhe admiralë, ju uroj 77-vjetorin e fitores së madhe. Ju po luftoni për popullin tonë në Donbas, për sigurinë e atdheut tonë”, deklaroi presidenti rus Vladimir Putin duke hapur fjalimin e tij në paradën e sotme./