Biden nënshkruan aktin që lejon shitjen e armëve Ukrainës

ATSH-DPA/ – Presidenti amerikan, Joe Biden nënshkroi ligjin që lehtëson dërgimin e armëve në Ukrainë dhe vende të tjera të Evropës Lindore.

“Unë po nënshkruaj një projektligj që ofron përpjekjet tona për të mbështetur qeverinë e Ukrainës dhe popullin ukrainas në luftën e tyre për të mbrojtur vendin e tyre dhe demokracinë e tyre kundër luftës brutale të presidentit rus Vladimir Putin”, theksoi Biden.

”Kostoja e luftës nuk është e ulët, por dorëzimi ndaj agresionit është edhe më i shtrenjtë”, shtoi Biden.

Presidenti ukrainas Volodymyr Zelensky falënderoi SHBA për mbështetjen e luftës së vendit të tij për lirinë dhe të ardhmen, duke e etiketuar si një “hap historik”.

Kongresi i Shteteve të Bashkuara të Amerikës miratoi një ligj të ngjashëm me një të vitit 1941 gjatë Luftës së Dytë Botërore.

Që nga fillimi i luftës, SHBA ka dorëzuar armë dhe municione me vlerë prej më shumë se 3,7 miliardë dollarë në Ukrainë.