Rexhep Selimi: Nuk kam të bëj asgjë me akuzat e prezantuara

Njëri prej ish-krerëve të UÇK-së, njëherit ish- deputet i Kuvendit të Kosovës, Rexhep Selimi është deklaruar i pafajshëm në aktakuzat e reja që janë paraqitur ndaj tij, në Dhomat e Specializuara në Hagë, lidhur me pretendimet e prokurorisë për krime lufte dhe krime kundër njerëzimit.

Paraprakisht, gjykatësi i procedurës paraprake, Nicolas Guillou ka lexuar pjesën e aktakuzës dhe të drejtat që i takojnë të akuzuarit në bazë të ligjit për DHSK-në. Ai ka sqaruar se procesi i sotëm nuk është gjykim.

Në paraqitjen e tij të parë pas akuzave të reja të prokurorisë kundër tij dhe të ish-krerëve të tjerë të UÇK-së, Selimi ka thënë se edhe njëherë pohon që nuk ka të bëj asgjë me krimet e as akuzat e pretenduara në këtë aktakuzë.

“Më lejoni të deklarohem i pafajshëm siç edhe në të gjitha pikat e tjera të aktakuzës”, ka thënë Selimi.

Më herët gjatë ditës së sotme, në konferencën dëgjimore, janë paraqitur edhe ish-presidenti i Kosovës, Hashim Thaçi, ish-kryeparlamentari Kadri Veseli, dhe Jakup Krasniqi të cilët janë deklaruar të pafajshëm për akuzat e reja.

Aktakuza ndaj Thaçit, Veselit, Krasniqit dhe Selimit u ngrit më 26 tetor të vitit 2020 dhe u bë publike më 5 nëntor 2020.

Ndaj ish-presidentit të Kosovës, Hashim Thaçi, ish-kreut të Partisë Demokratike të Kosovës, Kadri Veseli, ish-anëtarit të Shtabit të Përgjithshëm të UÇK-së, Rexhep Selimi dhe ish-zëdhënësit të UÇK-së, Jakup Krasniqit rëndojnë akuzat për krime lufte dhe krime kundër njerëzimit.

Që nga nëntori i vitit 2020 ata gjenden në paraburgim në Hagë dhe janë deklaruar të pafajshëm për akuzat që rëndojnë ndaj tyre.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close