BE-ja dënon ashpër vrasjen e gazetares së ”Al-Jazeera”-s

ATSH-/ – Bashkimi Evropian (BE) dënoi ashpër vrasjen e gazetares së ”Al-Jazeera”-s, Shireen Abu Akleh, ndërsa po mbulonte një bastisje izraelite në Bregun Perëndimor të pushtuar.

Bashkimi Evropian b[ri thirrje për hetime të menjëhershme.

“Bashkimi Evropian dënon fuqishëm vrasjen e gazetares palestinezo-amerikane të ‘Al-Jazeera’-s, Shireen Abu Akleh, në Bregun Perëndimor të pushtuar”, tha në një deklaratë zyrtare zëdhënësi kryesor i shërbimit diplomatik të BE-së, Peter Stano.

Ai tha se është domethënëse që një “hetim i plotë dhe i pavarur të sqarojë të gjitha rrethanat e këtyre incidenteve sa më shpejt të jetë e mundur” dhe që ”përgjegjësit të sillen para drejtësisë”.

Deklarata gjithashtu nënvizonte se ”është e papranueshme të synohen gazetarët që punojnë” dhe se ”siguria e tyre duhet të garantohet”.

Abu Akleh, 51 vjeçe, u qëllua për vdekje teksa po mbulonte një bastisje ushtarake izraelite në qytetin Jenin të Bregut Perëndimor, dje në mëngjes.

Një gazetar tjetër, Ali Al-Samoudi, u qëllua pas shpine, sipas Ministrisë palestineze të Shëndetësisë.

Stacioni informativ televiziv ”Al-Jazeera” me qendër në Doha, ka akuzuar forcat izraelite për vrasje të qëllimshme të gazetares së saj.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close