Rama si “kryeministër i Maqedonisë Lindore”, shkakton të qeshura (Video)

Në samitin BE-Ballkan perëndimor që po mbahet në Bruksel, një pjesë të rëndësishme zë edhe pritja zyrtare e të ftuarve.

Në këtë rast, mikpritës janë  Charles Michel,  President i Këshillit Evropian,  Emanuel Macron, President i Francës (vendi i të cilit mban presidencën e radhës së BE-së) dhe  Ursula von der Leyen, Presidente e Komisionit Evropian.

Sipas protokollit zyrtar, presidenti i Serbisë, Aleksandër Vuçiq është i pari përshëndetet me nikoqirët ku edhe shkrepet fotografia zyrtare.

Megjithatë, në të gjitha rastet, me të gjashtë liderët e vendeve të Ballkanit perëndimor, vërehet një pritje e ngrohtë.

“Mirëmëngjesi. Më vjen mirë që iu shoh. Mirëmëngjesi!”, janë përshëndetjet e Vuçiq si i ftuar dhe mikpritësve, raporton RTKlive.

“Mirëmëngjesi, si jeni. Mirëmëngjesi!”, është përshëndetje e presidentit të malit të Zi, Millo Gjukanoviq.

Megjithatë, përshëndetje tërësisht ndryshe, bëri kryeministri i Shqipërisë, Edi Rama.

“Përshëndetje nga Maqedonia Lindore”, iu tha  Rama presidentëve Michel, Von der Leyen e Macron. Një përshëndetje e tillë, shkaktoi edhe të qeshura.

Pas tij, ishte kryeministri i Maqedonisë së Veriut, Dimitar Kovaçevski, i cili kaloi shpejt këtë pjesë zyrtare me një “përshëndetje, mirëmëngjesi!”.

Anëtari i presidencës së Bosnje e Hercegovinës, Shefik Xhaferoviq, ishte pak më formal. “Përshëndetje, më vjen mirë që shihemi prapë. Mirëmëngjesi!”, ishin fjalët e tij.

Si vendi i gjashtë nga Ballkani Perëndimor ishte Kosova, presidentja Vjosa Osmani-Sadriu, fillimisht iu drejtua presidentes Von der Leyen. “ Zonja presidente, më vjen mirë që shihemi prapë. Faleminderit për mikpritje të ngrohtë”, tha ajo.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close