Përplasje Tiranë-Sofje, shkak vetoja e Bullgarisë ndaj Shkupit në Bruksel

Kryeministri i Shqipërisë, Edi Rama i kundërpërgjigjet MPJ-së së Bullgarisë. “Hiqni veton ose më duroni mua”, shkroi ai në Twitter.

Bllokimi sërish i procesit të hapjes së negociatave për Shqipërinë dhe Maqedoninë e Veriut,  ka nxitur përplasje mes Ministrisë së Punëve të Jashtme të Bullgarisë dhe kryeministrit shqiptar, Edi Rama.

MPJ e Bullgarisë deklaron se ky shtet anëtar i BE-së, i cilëson si gjuhë jo të përshtatshme komentet e kryeministrit Rama.

Ky i fundit,  në samitin e BE, veton bullgare ndaj Maqedonisë së Veriut e rrjedhimisht e cila ndikoi edhe tek Shqipëria, për mosdhënien e datës për fillim të bisedimeve për anëtarësim në BE, e cilësoi si- “një turp që po mban peng dy vende të NATO-s”.

Në lidhje me këtë deklarim, MPJ e Bullgarisë deklaroi se kryeministri shqiptar duhet ta përshtatë komunikimin e tij me atë të një politikani, vendi i të cilit dëshiron të hyjë në BE.

“Si kundërpërgjigje, nuk është hera e parë që dëgjojmë kualifikime të paprovokuara të ashpra, fyese nga kreu i qeverisë. Një regjistër kaq i ulët gjuhësor nuk mund të justifikohen më nga natyra dhe mungesa e aftësive evropiane të komunikimit”, deklaroi MPJ e Bullgarisë në reagimin zyrtar.

Megjithatë, nuk kaloi gjatë, dhe kryeministri Edi Rama, iu kundërpërgjigj këtij reagimi me një postim në llogarinë e tij në Twitter.

Ai shkroi se nuk mund të mendojë ndryshe për një vend që përdor pengesa për të bllokuar integrimin, vetëm për të zgjidhur çështjet e veta bilaterale.

“Oh! Ministria e Jashtme e Bullgarisë ka një problem me mënyrën time të të folurit!”, shkroi Rama.

“ Mjaft e drejtë. Edhe unë kam një problem me mënyrën se si Bullgaria dëshiron të zgjidhë çështjet biletarale duke përdorur procesin e zgjerimit si mjet për rrëmbimin e dy vendeve të NATO-s! E thjeshtë miq: Hiqni VETO-n ose më duroni mua”, shkroi Rama.

Ministria e Jashtme bullgare thotë se e kanë mbështetur perspektivën evropiane të Shqipërisë edhe kur ishte shumë më e vështirë se sot, por sipas këtij vendi, si kundërpërgjigje kanë marrë ofendime dhe provokime të ashpra nga kryeministri Rama.

Pas vetos së Bullgarisë dje në samitin BE-Ballkan perëndimor, që të mos i jepet Maqedonisë së veriut, data për fillim të bisedimeve për anëtarësim, shkaku i problemeve historike e gjuhësore mes dy vendeve, kryeministri Edi Rama, reagoi ashpër në një konferencë për media.

Kjo pasi edhe Shqipëria është në pako me Maqedoninë e veriut e për rrjedhojë as Tirana zyrtare nuk mori datë për fillim të bisedimeve për anëtarësim.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close