​Arrestohet shtetasi i Kosovës në Morinë, tentoi të korruptonte punonjësit e policisë

21-vjeçari nga Kosova B. Th., ka rënë në pranga të policisë kufitare Kukës pasi tentoi të kalonte kufirin me një motomjet të dyshuar të trafikuar duke korruptuar punonjësit e policisë.

Policia zbuloi se 21-vjeçari kishte dorëzuar një dokument që i përkiste një motomjeti tjetër, të ndryshëm nga ai drejtonte, ndërsa ky i fundit u përpoq ta korruptonte duke i vendosur një shumë prej 50 euro në dokumente e mjetit. Sakaq motomjeti u sekuestrua në cilësinë e provës materiale.

Shërbimet e Policisë Kufitare Morinë, në vijim të kontrolleve të pandërprera, për goditjen e veprimtarive të paligjshme në kufi, përmes kontrolleve me përzgjedhje, në hyrje të RSH-së, kanë kaluar në vijën e dytë, për kontroll më të imtësishëm, motomjetin me drejtues shtetasin B. Th., 21 vjeç, banues në Prizren, Kosovë.

Shërbimet e Policisë, në vijim të kontrollit, i kanë kërkuar 21-vjeçarit që të paraqesë dokumentet përkatëse të motomjetit. Ky shtetas, për të shmangur verifikimin e dokumenteve, ka tentuar të korruptojë punonjësit e Policisë, duke u dorëzuar një dokument mjeti, së bashku me një kartëmonedhë me prerje 50 euro.

Nga verifikimi rezultoi se ky shtetas kishte dorëzuar një dokument që i përkiste një motomjeti tjetër, të ndryshëm nga motomjeti që ai drejtonte.

Në përfundim të veprimeve hetimore, specialistët e Seksionit për Hetimin e Trafiqeve në DVP Kukës arrestuan në flagrancë shtetasin B. Th., 21 vjeç, banues në Prizren, Kosovë, për veprat penale “Korrupsioni aktiv i personave që ushtrojnë funksione publike” dhe “Trafikimi i mjeteve motorike”.Motomjeti u sekuestrua në cilësinë e provës materiale”, thuhet në njoftimin e policisë.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close